1:03 ص
wafaa
بسم الله الرحمن الرحيم
الســــــــ عليكم ــــــلام ورحمــــــــ الله ــــــــــــــ وبركاته ـــــــــــة
النهارده موضوعنا غير عادى
ناس كتير بتقول عادى لو استغنى عن الاصحاب
موضوعنا النهارده هيخلى الناس دى تغير تفكيرها دا
موضوعنا هو
الصـــــــــداقــــــــــــــــــــــــ الحقيقيه ـــــــــــــــــــــــــــــــــة
دلوقتى فى أسئله كتير أكيد خطرت ببالك زى
ايه الفرق بين الصديق والصاحب؟
ايه الفرق بين الصديق والحبيب؟
منا عايش زى الفل اهو عادى لو استغنيت عن الصداقه دى؟
قبل ما اجاوب على الاسئله دى عاوزين نعرف الاول يعنى ايه كلمة صداقه
كلمه حلوة اوى اتقالت عن الصداقه وهيا انها عباره عن اربع حروف
كل حرف بيعبر عن حاجه معينه
ص : الصدق
د : الدم الواحد
ي: يد واحدة
ق: قلب واحد
نقول يعنى الصداقه دى حاجه عظيمه اوى كدا
ممكن تحل محل الحبيب؟
طبعا مفيش حاجه تقدر تحل محل حاجه تانيه
بس اكيد انت بتحتاج حاجه تثبت معاك فى كل وقت
حد يشجعك حد يسمعلك
اه الحبيب كويس واكتر انسان هيخاف عليك
بس افرض حبيبك دا جرحك
مين هيلحقك غير صديقك
الصديق زى المظله بالظلط
لو المطر زاد بتحتاجها اكتر
او زى النجوم انت عارف انها فى السما ومش بتظهر فى النور لكن بتظهر فى الظلمه
يعنى صديقك لما يكون حبيبك موجود انت مش بتفتكره بس هوا موجود
ولو حبيبك مشى صديقك موجود وبيظهر مواقفه معاك
الصداقة هي الوجه الاخر غير البراق للحب , ولكنه الوجه الذي لا يصدأ
نجاوب بقى على الاسئله اللى فوق
ايه الفرق بين الصديق والصاحب
الصاحب هوا الشخص اللى بيلازمك فى مشوار محدد او مكان محدد او وقت محدد
لكن الصديق معاك فى كل مكان وكل وقت وكل مشوار وموجود فى قلبك
ايه الفرق بين الصديق والحبيب
مفيش فرق كبير
الصديق اكيد انت بتحبه يعنى حبيب فى نفس الوقت
من غيره متقدرش تعيش حياتك
نيجى للنقطه الثالثه وهيا انك هل هتقدر تعيش من غير صديق
لا طبعا
اسال نفسك الاسئله دى وهتعرف هتقدر ولا لا
لو جيت يوم نفسك تخرج ومحدش فاضى
مش هتحتاج ساعتها صديقك اللى مشهيرفضلك اى طلب؟
لو كنت فى شده ومخنوق هتشكى لمين غير صديقك؟
مش معقول هتروح لكل الناس وتحكى كل حاجه عنك
اكيد هتحتاج شخص واحد بس تفضفض معاه مش كدا ولا ايه؟
هتحس بالسعاده وانت قافل على نفسك فى الحياه وحيد؟
لو هتعرف تعيش لوحدك هتعرف تتعامل مع الناس ازاى وانت لوحدك؟
اكيد هتحتاج لصديق يقف جنبك فى كل حياتك
مش كدا ولا ايه
؟
1 التعليقات:
اللله عليك يابو عبد العزيز يامشرفنا ومنورنا
إرسال تعليق