1:27 ص
wafaa
بسم الله الرحمن الرحيم
هنتكلم عن موضوع هام وحيوى
استـــــــــــــــــ الانترنت ــــــــــــــــخدام
طبعا زى ما الانترنت ليه مميزات ليه بردو عيوب
ودى بتتوقف على الانسان اللى بيستخدم الانترنت نفسه هل هيقدر يواجه اى مشاكل ويثبت على مبدأه ولا لا
عاوزك لما تقرا الموضوع متاخدهوش كلام عادى
عاوزك تتطبق معايا هل انت بتعمل الحاجات دى ولا لا وبعدها هنقرر سوا هنعمل إيه عشان نحل المشكله دى بعد ما نعرف مشاكلها وأضرارها
نبدأ مع بعض
هطرح عليك شوية اسئله وتجاوب عليها معايا
كم من الوقت تقضى على الانترنت ؟
هل لو سألتك والدتك او زوجتك عن قضاء حاجه ليها هتعملها مباشرة ولا بعد وقت؟
بتشوف ايه على الانترنت وانت قاعد؟
بتعمل ايه طول الوقت بتستفاد فعلا ولا مقضيها لعب؟
كل دى أسئله لازم نقف عندها ونفكر
ياترا لو احنا بنقعد كتير على الانترنت ووقت كبير هل دا ليه ضرر علينا
كثرة جلوسك على الكمبيوتر نفسه بيؤدى لأمراض
زى
الأرق ـ إجهاد اليدين ـ آلام الظهر ـ آلام المعصم
ها
هتفكر تقلل من الجلوس
سامعك بتقول ان انت راجل فاضى
والكلام دا مش هعرف اعمله لأن ورايا شغل كتير
والكلام دا مش هعرف اعمله لأن ورايا شغل كتير
عندنا حل لدا بردو
ممكن تقعد كتير بس اعمل راحه كل ساعه ولو ربع ساعه عشان تريح جسمك ومتجيش الامراض اللى قولنا عليها دى
ندخل فى النقطه التانيه
لما تكون بتهمل حاجات مهمه فى حياتك زى والدتك او زوجتك وهما اهم ناس عندك عشان الانترنت
هتقولى ورايا شغل اعمل ايه يعنى
هقولك انت لو بتعمل شغل وقولت لوالدتك او زوجتك انك بتعمل شغل ومن غير ما تقول هما هيحسوا بكدا ومش هيتعرضوا ليك
بس مش تهملهم
مش عاوزين ياشباب ننسى بر الوالدين (وبالوالدين احسانا) ولا ننسى العلاقه المقدسه
عشان الانترنت
ولا ايه رايك؟
ندخل فى القصص الفعليه اللى حصلت واللى لازم نتجنب اللى قولتلك عليه عشان متقعش فيها زى ما غيرك عمل عاوزين نبقى الافضل دائما
مصرية تخلع زوجها بسبب الإنترنت
: قضت محكمة بولاق أبوالعلا الكلية للأسرة في مصر بخلع طبيبة بشرية من زوجها المحامي بعد معانتها معه طوال عامين كاملين تفرغ فيها لممارسة الرذيلة أمام الإنترنت.
وذكرت صحيفة المصري اليوم أن هذا الحكم قد لاقى تأييدًا أزهريًا، حيث أكد العلماء أنه يتفق مع أحكام الشريعة الإسلامية.
وقالت الزوجة، فى شكواها، إنها ضاقت ذرعًا بهذه الخيانة مع الإنترنت فقد تزوجت منذ عامين ولم تنجب من زوجها أطفالاً، لأنه يعيش مع الكمبيوتر والإنترنت أكثر مما يعيش معها وإنها اكتشفت أن الكمبيوتر بالنسبة له حياة أخرى، حيث يمكث أمامه أكثر من 14 ساعة يوميًا.
وأضافت الطبيبة أن زوجها يسهر مع جهاز الكمبيوتر وشبكة الانترنت، حتى طلوع الشمس وإنها اكتشفت أن زوجها يمارس الرذيلة مع صديقات له أثناء نومها، فقررت رفع دعواها، وأعلنت كرهها له ومقاطعته نهائيًا.
وفى قصص كثير هتلاقيها اعمل بحث بسيط على جوجل هتلاقى ملايين القصص الحقيقيه
طب وايه الحل؟
عاوزين نعالج الموضوع
نقول تنظيم وقت الفراغ حتى لا نقع فى اخطاء وامراض
وممكن بممارسه الرياضه
او القراءه فى حاجات كتير اهم لو انت مش بتستفاد من وقت فراغك فى حاجات كتير تقدر تعملها فى الوقت دا تقدر تفيد بيها بلدك ومجتمعك
بلدك محتاجالك
وصدقنى
العلاج الحقيقي
هو تقوى الله ومراقبته والايمان الصادق بأنه يعلم السر وأخفى--
-- يعلم خائنة الأعين وما تخفى الصدور---
فى النهايه ارجو ان الموضوع كان مفيد ليكوا واسف لو طولت عليكوا
السلام ختام
0 التعليقات:
إرسال تعليق