رساله

ياشباب

يابنات

يارجال

يا نساء

يامسلمين يا موحدين

 

موضوعنا النهارده موضوع فى غاية الاهميه والخطورة 

لازم نقف مع نفسنا وقفه بعد قراءة الموضوع دا بإذن الله

عاوزين نبقى موحدين ومسلمين بقلوبنا مش بلسانا

ركزوا معايا فى اللى جاى كدا

طبعا كلنا عارفين اللى حصل فى سوريا والدمار اللى فيها الوقتى

بشار اللى بيعذب الناس ويجبرهم انهم يقولوا انه هو الاله

تفتكروا الحاجه دى سهله اوى وهتعدى

مش واخدين بالكوا من نقطه

فاكرين الدجال؟؟؟؟

كلنا عارفين انه هينزل الارض  40 يوم مش كدا ولا ايه؟

هتقولى ايه علاقة بشار بالدجال

فكر كدا فيها بشكل تانى

بشار بيموت الناس عشان يؤمنوا بيه

دى تحفزك وتفكرك بأيام الدجال اللى هتيجى

ياعالم هتبقى امتى

ممكن دلوقتى او بكرا

ازاى ولسه بدرى!!!!

بدرى ايه دا علامات الساعه اللى قبل الدجال كلها ظهرت ودلوقتى الفتره الجايه هيا الدجال

طب وايه يعنى انا مؤمن وايمانى هيقوينى

طب ماتزود الايمان دا شويه

الدجال لما هييجى ربنا هيبقى مسخره الشياطين والجان له ويقدروا يخدموه فى حاجات كتير وهيسخرله السماء عشان يخليها تمطر وقت ماهو عاوز وهيديله قوه كبيره دا كله بإذن ربنا

ايه دا دا الموضوع كبير احكيلى مواقف هتحصل

اول موقف

الدجال سرعته كبيره جدا ممكن يكون فى اوروبا وانت تقول لنفسك دا لسه هناك على ماييجيلى فيها وقت ---- لا دا انت هتلاقيه عندك فى لحظتها ربنا مديله سرعه رهيبه 

                                             ثانى موقف

هيقول لواحد انت ابوك وامك ماتوا من امتى هيقولوا من سنة كذا الدجال هيقوله طب لو انا احيتهم ليك الوقتى هتؤمن بيا الرجل هيقوله اكيد الدجال ساعتها هيجيبله ابوه وامه بس مش الحقيقين هيصورلوا شياطين فى شكلهم بس مش ابوه وامه بجد والرجل هيصدق ويؤمن بالدجال طبعا دا الرجل اللى مش مؤمن بربنا او ايمانه ضعيف

ثالث موقف

الدجال هيجمع الناس ويقولهم لو انا خليت السماء تمطر هتؤمنوا بى؟ هيقولوله اه هيخلى السما تمطر ساعتها وهيؤمنوا بيه عارفين ليه السما مطرت؟ عشان ربنا سخرله السماء دى زى ما سخرله الشياطين دى قدرة ربنا 

رابع موقف

الدجال هيقتل شاب ويحيه تانى قدام الناس؟ بنسمعها كتير الجمله دى تيجى نعرف دى صح ولا لا؟

الشاب هيكون مؤمن بالله اوى وهيثبت على ايمانه هياخده الدجال ويقوله اؤمن بى يقوله الشاب انت لست الله انت المسيخ الكذاب ويقول الدجال انه هيقتله وييجى يضربه بالسيف فى دماغه السيف ميدخلش دماغ الشاب وميموتشى وهيعمل كذا موقف عشان يقتل الشاب والشاب مش هيتقتل وهيحطه فى مياه تقريبا او بئر مش متذكر اوى وساعتها هيقول للناس انه مات لكن الشاب لم يمت بها ويطلعه منها ويقول الناس انه احياه ودا طبعا خطأ لان الشاب لم يمت بعد والناس ساعتها هتؤمن بالدجال

خامس موقف

الشاب والدجال بيحاول يقتله هيقول للناس اوعوا تصدقوه ومش هيعمل فى حد فيكوا حاجه غيرى انا ---ربنا اللى قال كدا يا ناس---!!!! الناس مش هتصدقه!!!!!

طبعا فى مواقف كتير جدا اكثر من كدا بكتير

بعد المواقف دى تحب تعرف الفتره اللى هيقعدها الدجال قد ايه؟

هيقعد 40 يوم اول يوم بسنه وتانى يوم بشهر وتالت يوم باسبوع وال37 يوم الباقيين بالايام العاديه بتاعتنا 

وبعدها هينزل سيدنا عيسى عليه السلام يقتل الدجال 

وهيموت المؤمنين وهيفضل العصاه فى الارض عشان ينزل عليهم قوم يأجوج ومأجوج وتظهر باقى علامات يوم القيامه

شوفتوا يا جماعه ان الوقت معتش وقت قدامنا خلااااااااص لازم نفوق ونلحق نفسنا

ملحوظه خلى بالك منها :

ناس هتقول هتقرا المصحف ساعة الدجال وهوا فى الارض 

غلط

لان ربنا هيكون رفع المصحف عن الارض

طب هوا الدجال هييجى فى كل الاماكن

ايوا كل الاماكن فى الارض ماعدا الاماكن الاتيه

مكه والمدينه والمسجد الحرام والمسجد النبوى ومسجد الاقصى ومسجد الطور 

وكل الاماكن هيدخلها ماعدا اللى فوق دول حتى المساجد التانيه هيدخلها طبعا عشان يخلى الناس يؤمنوا بيه

ازاى مش هيقدر يدخل الاماكن دى؟

هيكون فى ملك واقف بسيف بيحرس الاماكن دى كل ما الدجال هيحاول يدخلها الملك دا يحاربه ويبعده

طب كدا ممكن العصاه والمنافقين يستخبوا فى مكه والمدينه؟

لا طبعا لان الملك اللى بالسيف دا هيطلع العصاه والمنافقين والكفار من الاماكن دى بالسيف

!!!!!!!!!!

اظن معدش وقت نضيعه خلينا نقرب من ربنا يا جماعه اكتر من كدا خلينا نقوى ايمانا خلينا نبدا مع بعض سوا

نستكمل بداية اننا نقوى ايمانا فى الموضوع القادم

والسلام ختام